Наставно-научната и апликативната дејност на Институтот е фокусирана на одгледувањето на растенијата и примената на биотехнологијата во растителното производство. Опфатени се областите од поледелството, градинарството и цвеќарството, генетиката и селекцијата на растенијата, како и агрометеорологијата. Студиските програми се насочени кон различни технологии за производство на поледелски култури, тутун, зеленчук и цвеќе, и нивната интеракција со животната средина, со посебен акцент на агроклиматските фактори и биодиверзитетот. Растителната генетика се фокусира на генетската варијабилност на земјоделските култури и можностите за подобрување на нивните особини преку селекција. Образованието и истражувањето во областа на селекцијата и растителната биотехнологија имаат стратешко значење за зајакнување и долгорочна конкурентност на индустријата.