Факултетот организира и учествува во различни форми на обуки, курсеви, семинари и работилници во релевантни области. Овој вид образование им нуди можност на учесниците да ги надградат своите знаења и вештини за новите технологии и информации од областа на земјоделството, храната и животната средина. По завршувањето на обуката, Факултетот издава сертификати во кои се наведува видот на образованието и нивото на стекнатите знаења.

https://fznh.cetusled.mk/wp-content/uploads/2026/09/Решение-за-верификација-на-установата-за-образование-на-возрасните.pdf  

ЦИПОЗ – ЦЕНТАР ЗА ПРИМЕНЕТИ ИСТРАЖУВАЊА И ПЕРМАНЕНТНО ОБРАЗОВАНИЕ ВО ЗЕМЈОДЕЛСТВОТО

ЦИПОЗ е формиран во 2002 година со цел да ја олесни работата на Факултетот и на наставниот кадар во следниве области:

• Издавање книги и прирачници;
• Организирање курсеви и обуки;
• Апликативна дејност;
• Соработка со земјоделски производители и прехранбена индустрија;
• Реализација на меѓународни проекти;
• Регистрација на иновации и патенти;
• Трансфер на технологии.