ИНСТИТУТ ЗА ОВОШТАРСТВО, ЛОЗАРСТВО И ВИНАРСТВО

Институтот за овоштарство, лозарство и винарство се состои од две катедри: Катедра за овоштарство и Катедра за лозарство и винарство. Наставно-научната и апликативната дејност на Институтот е фокусирана на проучување на овошните видови и виновата лоза, системите на нивно одгледување, примената на агротехнички и ампелотехнички мерки, како и технологијата на преработка и добивање вино и јаки алкохолни пијалоци. Апликативната дејност вклучува контрола на овошен и лозов посадочен материјал, како и контрола и испитување на квалитетот на грозје и вино. Институтот е вклучен и во меѓународни и домашни проектни активности.