ИНСТИТУТ ЗА АНИМАЛНА БИОТЕХНОЛОГИЈА

Истражувачкиот кадар на Институтот е вклучен во образованието на студентите на сите нивоа, трансфер на знаење и соработка со земјоделските производители, преработувачката индустрија и сродните институции.

Научните активности се насочени кон одгледувањето на домашни животни (говеда, коњи, овци, кози, свињи и живина), пчеларството и домашните миленици, биолошката разновидност на животинските генетски ресурси, исхраната на животните и рибите, технологијата на производство и преработка на производи од животинско потекло, применетата биохемија и генетско инженерство во сточарството, како и здравјето и благосостојбата на животните. Институтот работи и на современи системи за одгледување, оптимизација на исхраната, развој на млечни и месни преработки, заштита на автохтони раси и традиционални производи, како и обезбедување безбедност и квалитет на производството.

На Институтот функционираат акредитирана лабораторија за анализа на храна за животни, лабораторија за млеко и млечни производи и лабораторија за ГМО, кои се користат и во наставата и во научно-истражувачката работа.