ИНСТИТУТ ЗА ЖИВОТНА СРЕДИНА

Активностите на Институтот се насочени кон наставно-образовна, научно-истражувачка и стручно-апликативна дејност, со особен акцент на едукацијата на студентите и соработката со институции, компании и други чинители релевантни за областа. Образованието и истражувачките активности се поврзани со еколошко и одржливо земјоделство и правилно управување со природните ресурси, особено во областите: формирање, генеза, еволуција, класификација, морфологија, физиологија и својства на почвата, микробиологија и плодност на почвата, исхрана на растенијата и управување со ѓубрива; наводнување на земјоделските култури, управување со водата и примена на современи технологии за наводнување, вклучително капка-по-капка системи и хемигација; конзервација на почвата и водата, мелиорации и контрола на ерозијата, дизајнирање и експлоатација на системи за одводнување и наводнување и управување со хидро-мелиоративни системи; загадување на почвите, еколошки принципи во земјоделството, климатски промени и мерки за прилагодување, како и примена на ГИС во земјоделството.