Истражувачкиот кадар на Институтот е вклучен во образованието на студентите на сите нивоа на образование, трансфер на знаење и интензивна соработка со земјоделските производители, преработувачката индустрија и сродните институции.
Научните активности на Институтот се ориентирани кон: технологија на одгледување на домашни животни (говеда, коњи, овци, кози, свињи и живина), медоносни пчели и домашни миленици, истражувачки активности во биолошката разновидност на животинските генетски ресурси, исхрана на домашните животни и миленици, риби и дивеч, технологија на производство и преработка на производи од животинско потекло, применета биохемија и молекуларна биологија и генетското инженерство во сточарството, здравје и благосостојба на животните.
Покрај овие активности, членовите на Институтот се активно вклучени во: адаптација на различен избор на селекциски модели на популации и квантитативна генетика на домашните животни, воведување на современи системи за одгледување на домашните животни, нови технолошки решенија за исхрана на животните, методите за анализа и оценување на нутритивната вредност на храната за животни и оптимизација на оброците и крмните смески, воведување на нови млечни и месни преработки, проширување на асортиманот на домашните производи, заштита на суровините од распаѓање, заштита на автохтони раси и традиционални производи од анимално потекло, намалување на отпад при производство и заштита на суровините од расипување, осигурување безбедно производство и подобрување на квалитетот и стандардите, дизајнирање на процесот на производство на млеко, примена на различни видови адитиви во месните производи, примена на биохемиски параметри во одредување на физиолошката состојба на животните, примена на молекуларни ма ркери во изборот и репродукцијата на домашните животни, примена на молекуларни техники во контролата на производите од анимално потекло, дизајнирање на сточарско производство, влијание на анималното производство и преработка врз животната средина, постојани обуки од областа на хигиената (и санитарната опрема), лабораториските техники во сточарското производство.
На Институтот за анимално производство функционираат акредитираната лабораторија за анализа на храна за животни, како и лабораторијата за млеко и млечни производи и лабораторијата за ГМО. Истите учeствуваат и во едукација на студентите кaкo и за пoтрeбите на нaучнo истрaживaчката работа.